Կարբիի միջնակարգ դպրոցը հիմնադրվել է 1973թ.: 1989թ. դպրոցն անվանակոչվել է Վահան Թեքեյանի անունով: Դպրոցը երկար տարիներ տնօրինել է Արսեն Օհանյանը, որի շնորհիվ այն բազում հաջողությունների է հասել եւ սերտ կապեր է հաստատել «Թեքեյան Կենտրոն» հիմնադրամի հետ: Դպրոցի աշակերտներն իրենց հմուտ ուսուցիչների շնորհիվ հաջողությամբ մասնակցում են բազմաթիվ առարկայական օլիմպիադաների։ Յուրաքանչյուր տարի շրջանավարտներից շատերը ուսումը շարունակում են ԲՈՒՀ-երում կամ այլ մասնագիտական ուսումնական հաստատություններում:

Դպրոցում շատ են վաստակաշատ եւ նվիրյալ ուսուցիչները, որոնք տարբեր տարիներին արժանացել են բազմաթիվ դիպլոմների, շնորհակալագրերի, միջազգային մրցանակների. Լեւոն Հովհաննիսյան' ավագ ուսուցիչ, Արագածոտնի մարզի ֆիզիկայի լավագույն ուսուցիչ, Սեդա Հովհաննիսյան' վաստակավոր ուսուցիչ, Մարիետա Մկրտչյան' մարզի երաժշտության լավագույն ուսուցիչ, Վարդանուշ Հովհաննիսյան' ուսուցչի որակավորման տարակարգ, ՀՀ նախագահի հատուկ մրցանակ ՏՏ ոլորտում:

Դպրոցն աչքի է ընկնում գեղեցիկ միջոցառումներով, բաց դասերով եւ տեսադասերով: Այն հայտնի է իր երգչախմբով, պարի խմբերով, որոնք Հայաստանում եւ արտերկրում ելույթներ են ունեցել եւ մրցանակների արժանացել:

Սպորտի ասպարեզում եւս դպրոցն ունեցել է բազում հաջողություններ. շատ սաներ ոչ միայն մասնակցել են հանրապետական մրցումների եւ հաղթանակներ գրանցել, այլեւ պատվով ներկայացրել են իրենց երկիրը աշխարհում:

Դպրոցում այժմ սովորում է 564 աշակերտ, դասավանդում է 42 ուսուցիչ:

Դպրոցի պաշտոնական կայք-էջը՝ այստեղ: