Հիմնադրվել է 1992թ., գործել է վատթարագույն տնակային պայմաններում, ապա 2004թ. շահագործման է հանձնվել ներկայիս դպրոցի առաջին մասնաշենքը՝ իր մեծ ու լուսավոր, տաք ու հարմարավետ դասասենյակներով, քիմիայի եւ կենսաբանության լաբորատորիաներով, համակարգչային կաբինետով: 2011թ. կառուցվել է դպրոցի եւս մեկ մասնաշենք՝ մարզական եւ հանդիսությունների սրահներով, մեծ ու հարմարավետ գրադարանով, ճաշարանով, սպորտային հրապարակներով:

1994թ. դպրոցն անվանակոչվել է արեւմտահայ մեծանուն բանաստեղծ Վահան Թեքեյանի անունով, եւ 2010թ. սկսած սերտորեն համագործակցում է «Թեքեյան կենտրոն» հիմնադրամի հետ. այլ դպրոցների հետ միասին հանդիսանում է նրա շահառուներից:

Դպրոցի սաները միշտ էլ մեծ հաջողությամբ են մասնակցել համաքաղաքային, մարզային ու հանրապետական առարկայական օլիմպիադաների, մրցույթներ, փառատոնների ու մարզական մրցումների, զբաղեցնելով մրցանակային տեղեր:

Դպրոցը բոլորին հիացնում է իր հրաշալի ծաղկանոցով, սոճիներով ու եղեւնիներով, ինչի համար 2011թ. քաղաքապետարանի կողմից արժանացել է «Լավագույն բակը» պատվոգրի:

2015թ-ից դպրոցի տնօրինությունը ստանձնել է Հմայակ Մարտիրոսյանը:

Դպրոցի պաշտոնական կայք-էջը՝ այստեղ: