Ամառային ճամբար
«Թեքեյան Կենտրոն» հիմնադրամի «Ամառային ճամբար» ամենամյա ծրագիրը հնարավորություն է ընձեռում երեխաներին իրենց ամառային հանգիստն անցկացնելու մեր Հայրենիքի գեղատեսիլ վայրերում, դառնալու ինքնուրույն եւ ինքնավստահ:
Ծրագիրը նաեւ մեծապես նպաստում է մեր երկրի տարբեր անկյուններում բնակվող երեխաների մերձեցմանը, նրանց բազմակողմանի զարգացմանը՝ մտավոր, հոգեւոր, մշակութային գիտակցության, ֆիզիկական:
2010-2022թթ. «Ճամբար»ծրագրի բյուջեն կազմել է 32,479,560 ՀՀ դրամ եւ ընդգրկվել է 685 շահառու Հայաստանից եւ Արցախից՝ մասնավորապես 10-14 տարեկան գերազանց առաջադիմություն ունեցող, սոցիալապես անապահով եւ բազմազավակ ընտանիքների երեխաներ, որոնք ծրագրի շնորհիվ ձեռք են բերել նոր հմտություններ, գիտելիքներ եւ նոր ընկերներ:
Տարատեսակ մտավոր եւ ժամանցային խաղերի, մարզական, մշակութային միջոցառումների, ազգային երգ ու պարի ուսուցման, հիշարժան վայրերի այցելության շնորհիվ երեխաների ամառային հանգիստը դառնում է առավել բովանդակալի ու հետաքրքիր: Ճամբարը զարգացնում է անհատականությունը, պարգեւում անմոռանալի պահեր: