Թեքեյան Կենտրոնում աշխատանքային հանդիպում կայացավ ԹԿՀ տնօրեն Արմեն Ծուլիկյանի, ԹԿՀ ծրագրերի բաժնի անդամների եւ բարոնուհի Քոքսի կողմից հիմնադրված HART /Humanitarian Aid Relief Trust/ հիմնադրամի ծրագրերի ղեկավար Բեթ Սթիվենսի միջեւ:

Հանդիպման նպատակն էր երկու կազմակերպությունների մարդասիրական, մասնավորապես՝ համատեղ իրականացվող ծրագրերի քննարկումը: Ուշադրության կենտրոնում էին տեղահանված արցախցիների հիմնահարցերը, նրանց աջակցություն ցուցաբերելու նախաձեռնությունները, Արցախի ոչ նյութական մշակութային ժառանգության պահպանման հարցերը: Անդրադարձ կատարվեց նաեւ ԹԿ հիմնադրամի 15 տարվա կրթական եւ մշակութային գործունեությանը:

Կողմերը մտքեր փոխանակեցին եւ քննարկեցին մարդասիրական ոլորտում համագործակցության ընդհանուր հետաքրքրություն ներկայացնող մի շարք հարցեր եւ պատրաստակամություն հայտնեցին խորացնել երկու կառույցների միջեւ առկա փոխգործակցությունը: