«Թեքեյան Կենտրոն» հիմնադրամի տնօրեն Արմեն Ծուլիկյանը հանդիպում ունեցավ Ստեփանակերտի Ք.Քոքսի անվան վերականգնողական կենտրոնի հիմնադիր տնօրեն Վարդան Թադեւոսյանի հետ: Հանդիպման ընթացքում ներկայացվեց ԹԿՀ գործունեությունը կրթության, մշակութային, սոցիալական ոլորտներում, մասնավորապես սեպտեմբերի 19-ից հետո Արացախի Հանրապետությունից բռնի տեղահանված արցախցի ընտանիքներին օժանդակելու ծրագրերը:

Անդրադարձ կատարվեց նաեւ Քոքսի անվան վերականգնողական կենտրոնի 25 տարվա գործունեությանը, որը վերականգնողական բուժում է ցուցաբերել հաշմանդամություն, մտավոր եւ ֆիզիկական խնդիրներ ունեցող անձանց առանց տարիքային սահմանափակման։

Կողմերը մտքեր են փոխանակել եւ քննարկել են մարդասիրական ոլորտում համագործակցության ընդհանուր հետաքրքրություն ներկայացնող մի շարք հարցեր եւ պատրաստակամություն հայտնել խորացնել երկու կառույցների միջեւ առկա փոխգործակցությունը: