«Թեքեյան Կենտրոն» հիմնադրամը լոնդոնահայ բարերար, հրապարակախոս, Մերձավոր Արեւելքի պատմության եւ քաղաքականության ականավոր մասնագեստ, բազմաթիվ գրքերի հեղինակ, աշխարհաքաղաքականության տեսաբան, սփյուռքագետ Թոնի Քահվեին պարգեւատրեց «Թեքեյան Կենտրոն» հիմնադրամի եւ Լոնդոնի Թեքեյան խնամակալ մարմնի շնորհակալագրով եւ հուշամեդալով իր երկարամյա ազգանվեր գործունեության համար՝ ի շահ հայ ժողովրդի եւ Հայաստան-Սփյուռք կապերի ամրապնդման:

Այս պարգեւը նաեւ խորին երախտագիտություն է պարոն Քահվեին տարիներ շարունակ հիմնադրամի բազմաբնույթ ծրագրերին մեծ աջակցություն ունենալու համար։ Նրա օժանդակությունը անվրեպ հետք է թողել հիմնադրամի մշակութային նախաձեռնությունների, կրթական ծրագրերի եւ մարդասիրական ջանքերի վրա:

ԹԿ հիմնադրամը բարձր է գնահատում շարունակական համագործակցությունը բարերար Քահվեի հետ, ում աջակցության շնորհիվ հնարավոր է դառնում հասնել միասնական նպատակների իրականացմանը: