Օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի՝ Մայր Աթոռ Սուրբ Էջմիածնի հրատարակչությունը լույս է ընծայել Զոհրապ Ըռքոյանի «Հայկական Քաշաթաղ․ Ազահեճք-Քաշաթաղի գավառի պատմամշակութային հուշարձանները» խորագրով ուսումնասիրությունը։

Աշխատությունում նկարագրվում եւ ներկայացվում են Արցախի Հանրապետության Քաշաթաղի շրջանի պատմական եւ մշակութային հուշարձանները: Ներկայացված ալբոմ-մենագրությունն ամփոփում է հեղինակի՝ Քաշաթաղի շրջանի պատմամշակութային հուշարձանների ուսումնասիրության մի քանի տասնամյակների աշխատանքը, որի ընթացքում հեղինակին հաջողվել է հավաստել և լուսանկարել հարյուրավոր հուշարձաններ: Աշխատությունում ներկայացված են եկեղեցիներ, ամրոցներ, կամուրջներ, խաչքարեր, տապանաքարեր, վիմագիր արձանագրություններ: Յուրաքանչյուր հուշարձանի համատեքստում ներկայացված են տասնյակ լուսանկարներ և հատակագծեր:

Հաշվի առնելով, որ նկարագրվող հուշարձաններն այսօր գտնվում են հայկական կողմի վերահսկողությունից դուրս, սույն աշխատանքն ունի սկզբնաղբյուրային նշանակություն:

Աղբյուր՝ Սյունիքի հայագիտական հետազոտությունների կենտրոն