Թեքեյան կենտրոնում կայացավ «Վահան Թեքեյան» ամենամյա միջազգային մրցանակաբաշխության 2021թ. ամփոփիչ ձեռնարկը: Արդեն 28-րդ անգամ ՀԹՄՄ բարձր գնահատանքի է արժանացնում մշակույթի եւ գիտության տարբեր բնագավառների լավագույններին:

 

Այս տարի մրցանակներ շնորհվեցին 7 անվանակարգերում՝ «Շաքե Ղազարյան» հիմնադրամի եւ «Թեքեյան Կենտրոն» հիմնադրամի ֆինանսական աջակցությամբ: Մրցույթի հաղթողներ ճանաչվեցին`

 

 «Գրականություն»՝ գրող Ֆելիքս Բախչինյան՝ «Վերջին մանկություն» վեպ

 

 «Հայագիտություն»՝ բանասիրական գիտությունների դոկտոր Լալիկ Խաչատրյան՝ «Լեզվաբանական տերմինների ուսումնական բառարան»

 

 «Թատերական արվեստ»՝ «Ֆորմա» թատրոն «Վայ-վայ» ներկայացում

 

 «Կերպարվեստ»՝ Հայաստանի ժողովրդական նկարիչ Արամ Իսաբեկյան՝ «Տպավորություն» ստեղծագործություն 

 

 «Քանդակ»՝ քանդակագործ Աշոտ Բաղդասարյան՝ «Աթոռներ» շարք

 

 «Լրագրություն»՝ «Հետք» լրատվականի լրագրող Սառա Պետրոսյան՝ հետաքննական հոդվածաշար 

 

 «Գեղարվեստական լուսանկարչություն»՝ Աննա Գրիգորյան՝ «Քաղաքային գրաֆիկա»  շարք 

 

Մրցանակաբաշխությանը կատարումներով հանդես եկավ Հանրային ռադիոյի եւ հեռուստատեսության էստրադային–սիմֆոնիկ նվագախումբը՝ ՀՀ ժողովրդական արտիստ Երվանդ Երզնկյանի ղեկավարությամբ։

 

Ձեռնարկի ընթացքւմ ՀԹՄՄ բարձրագույն պարգեւ «Ադամանդակուռ Արարատ» շքանշնանը շնորհվեց ՀՀ ԳԱԱ ակադեմիկոս Էդուարդ Ղազարյանին եւ Հայաստանի ժողովրդական արտիս Լեւոն Մալխասյանին։

 

1991 թվականից ի վեր ՀԹՄՄ «Վահան Թեքեյան» մրցանակին են արժանացել բանաստեղծներ Սիլվա Կապուտիկյանը, Լյուդվիգ Դուրյանը, Հրաչյա Թամրազյանը, գեղանկարիչներ Վարուժան Վարդանյանը, Ռուբեն Աբովյանը, քանդակագործներ Էմիլ Գազազը, Լեւոն Թոքմաջյանը, երաժիշտներ Օհան Դուրյանը, Տիգրան Մանսուրյանը, Ռուբեն Հախվերդյանը, Ջիվան Գասպարյանը, Կոնստանտին Օրբելյանը, դերասաններ Վարդան Պետրոսյանը, Երվանդ Մանարյանը, լրագրողներ Հակոբ Ավետիքյանը, Արթուր Բախտամյանը, գրողներ Լեւոն Խեչոյանը, Սարգիս Վահագնը, հարյուրից ավելի մշակույթի, գիտության, արվեստի գործիչներ։