Արցախյան մշակույթի օրեր Թեքեյան Կենտրոնում՝ 20-21.09.2024
2024-09-14
Հարգարժան բարեկամներ,
Սիրով սպասում ենք «Թեքեյան Կենտրոն» հիմնադրամի եւ «Արցախյան մշակույթի պահպանման կենտրոն» ՀԿ կողմից կազմակերպված «Արցախյան մշակույթի օրեր» երկօրյա ձեռնարկին:
/մուտքն ազատ է/
 |
|
«ԱՐՑԱԽՅԱՆ ՄՇԱԿՈՒՅԹԻ ՊԱՀՊԱՆՄԱՆ ԿԵՆՏՐՈՆ» ՀԿ
Հիմնադրվել է 2023թ. նոյեմբերին՝ Արցախից բռնի տեղահանված բնակչությանը կենտրոնացված կարգով մշակութային միջոցառումների շուրջ համախմբելու, ապահովելու տեղահանվածների միջև ներհամայնքային կապերը, մշակութային հաղորդակցությունը, ինչպես նաեւ պահպանելու արցախյան մշակութային ժառանգությունը, կազմակերպելու հանրահռչակմանն ուղղված միջոցառումներ և արտաքին մշակութային քաղաքականության մեջ նպատակաուղղված ներկայացնելու արցախյան մշակույթը:
Կազմակերպության նպատակն է նաեւ պահպանել պատմական բարդ ու դժվար ժամանակներում ստեղծված և տասնամյակների պատմություն ունեցող Արցախում պետական կարգավիճակ ունեցող մշակութային կազմակերպությունները, միջոցներ հայթայթել նրանց գործունեության ապահովման համար:
Հասարակական կազմակերպությունը համընդհանուր հարթակ է, որտեղ միավորվել են բոլոր պետական համույթները՝
‹‹Արցախի ազգային նվագարանների պետական նվագախումբ››, ‹‹Արցախի պետական երգչախումբ››, ‹‹Մռակած պետական կամերային երգչախումբ››, ‹‹Մենք ենք մեր սարերը›› երգի-պարի պետական համույթ, ‹‹Արցախի պետական ջազ նվագախումբ››, ‹‹Շուշիի Մ. Խանդամիրյանի անվան պետական տիկնիկային թատրոն››, Արցախի պարի պետական համույթ, արցախյան մշակութային միավորումները՝ Ստեփանակերտի մանկապատանեկան ստեղծագործական կենտրոնի մանկական երգչախումբ, և ինքնագործ խմբերը՝ ‹‹Վէլլանս›› վոկալ խումբ, ‹‹Արցախի այաներ›› համույթ և այլն:
նախորդ էջ