2024թ. օգոստոսի 8-ին՝ ժամը 18։30-ին, Թեքեյան կենտրոնում տեղի կունենա Հայաստանի նորօրյա հերոս, «Արիության» մեդալակիր, «Արևի» բարձրագույն շքանշանի ասպետ Արթուր Սահակյանի Հպարտության երեկոն (հուշ-երեկոն) և նրան նվիրված «Ար Թուր կամ Արևը Վանա ծովից» գրքի շնորհանդեսը։

Գրքի հեղինակը Գագիկ Եկմալյանն է։

Գիրքը նորօրյա հերոս Արթուրի կերպարով քննության է առնում ինքնությանը, ինքնաճանաչությանը, հայրենաճանաչությանն ու հայրենատիրությանը առնչվող թեմաները։

Գրքում զետեղված են երիտասարդ հերոսի խոհերը, մտորումները կյանքի, աշխարհի, հայրենիքի ու հայ ժողովրդի մասին։

Հպարտության երեկոն (Հուշ-երեկոն) կուղեկցվի ազգային երգ ու պարով։

Ավարտին տեղի կունենա գրքի բարեգործական վաճառք, որից ստացված հասույթը կուղղվի Արթուր Սահակյանի անվան» կրթաթոշակին և նրա մասնակցությամբ իրականություն դարձած «Ազգային դպրոց» նախագծի երրորդ փուլի կազմակերպման աշխատանքներին։

Մուտքն ազատ է։

Սիրով սպասում ենք բոլորիդ։