Վիկտոր Դանիլով՝ տաղանդաշատ երաժիշտ, նկարիչ, լուսանկարիչ, Ռուսաստանի գեղարվեստի ակադեմիայի պատվավոր անդամ

Ծնվել է Թբիլիսիում: Հանդես է եկել Վրաստանի պետական սիմֆոնիկ նվագախմբում, զուգահեռաբար զբաղվել է լուսանկարչությամբ: 1990-ականների վերջին ընտանիքով տեղափոխվել է ԱՄՆ՝ Նյու Յորք:

Հեղինակի աշխատանքները՝ կտավները, լուսանկարներն ու համակարգչային գրաֆիկական արվեստը, ցուցադրվել են Նյու Յորքի պատկերասրահներում եւ բարձր գնահատանքի արժանացել: Բազմաթիվ մրցույթների հաղթող է ճանաչվել, պարգեւատրվել է պատվոգրերով, մեդալներով եւ շքանշաններով:

2007թ. ստեղծել է Photo.Podium.com ինտերնետային կայքը, որը համախմբել է աշխարհի տարբեր անկյուններում գործող լուսանկարիչների՝ ոչ միայն պրոֆեսիոնալ, այլ նաեւ սիրողական: Արդյունքում, տարբեր երկրներում, այդ թվում Հայաստանում՝ Երեւանում, Գյումրիում, Սպիտակում, կազմակերպվել են բազմաթիվ ցուցահանդեսներ: